2/4/2011
2/4(Sat) Day3
楝相*夜* 10:00 Breakfast → 原宿玉竹 → 夢時代購物中心 → 愛河 →瑞豐夜市 → 20:00 揀相 → 瑞豐夜市
話咁快已經係第三日
今晚要去翡麗放血, 心情的確有點不安 哈哈
唔知要放幾多血
真係訓醒都唔知幾點, 只係知無早餐食
基本上係無行程可言
無唸過高雄有咩玩 有咩行
立即上網search下有咩地方好去
決定好之後就出後去食個brunch
劉江便當 原來一落酒店轉左過對面馬路就係
非常之開心 可以食返佢
今次叫左出名既 炸雞脾 + 排骨(即豬扒)便當
非常好名, 又經濟!! 一個便當先NT$55
仲有湯任飲!! 哈哈哈
香港係邊搵~~~~
而且佢地好好!! 做善事, 80歲以上用餐免費!
旁邊好多開機車既台灣人黎買外帶, 買完就走, 但不停都有條人龍, 仲有要介紹下旁邊呢間品萱茶鋪既蜂蜜綠茶好好飲架!!
食飽飽就行陣附近既原宿玉竹商圈同埋新堀江商圈 好似旺角既感覺, 賣既都係學生 / OL行既地方 = 花園街 好多靚鞋, 價錢好抵, 試過幾好!! 係PURE買左兩對鞋 約HKD100一鞋, 好著! 哈哈
之後搭捷運到凱撒站有接駁車直到夢時代購物中心 果然係唯一最大型購物中心 真係好大, 咩都有得買~~~ 見到銅人係度擺POSE俾你影相, 同上次泰國果個比呢個好專業 哈哈 不停轉POSE, 好互動
我發現到我最熱愛既地方 DAISO 每件都係賣 NT$39 = HK$10店 大型10蚊店勁多野買!!!! 好多買人既面具同GAME都係一樣價錢 可惜B仔係度唔俾我買咁多 我驚我係結婚用黎玩兄弟！！你放心 我下次再買多D~~~~~~~~
COLD STONE 上次XMAS黎太凍無食到 今日終於可以一試, 我覺得太太太太甜喇!!!
離開夢時代之後就到愛河完全唔掂！高雄太陽勁惡, 曬到我頭痛 而且愛河俾我既感覺好似沙田城門河, 無咩特別值得去 又可能係太熱我地行左10分鍾都無就上車走人
約左8:00pm睇相, 見仲有時間就再去瑞豐夜市食下野
一去到夜市門口已經見到呢間咖啡牛奶排長龍 我地試過紅茶牛奶 / 咖啡牛奶都好飲好香
再黎就係旁邊既阿東烤肉, 算幾好味!!
我同B仔最推介呢間烤鴨夾餅, NT40一份 我地已經買過三次, 連老闆娘都認得我地 哈哈哈哈 真係好好食! 黎呢度必食呢~麻辣最香!
其實之後我地已經走左去翡麗睇相！
當然相未係手, 無得介紹下!
不過成個過程係愉快既, 都唔太痛苦
因為張張都影得太好! 哈哈哈
當然相未係手, 無得介紹下!
不過成個過程係愉快既, 都唔太痛苦
因為張張都影得太好! 哈哈哈
走個陣都已經11:00,
B仔決定再去瑞豐夜市因為今晚已經係最後係高雄, 而且買完相心情亦相當興奮,
哈哈 , 當然願意一齊去啦
B仔決定再去瑞豐夜市因為今晚已經係最後係高雄, 而且買完相心情亦相當興奮,
哈哈 , 當然願意一齊去啦
呢度小食眾多, 我已經食到變大肥妹! 哈哈哈
原本打算買返酒店食, 點知打算行去坐車之際 發現一間酒吧, 又俾我地係個度食野 哈哈 仲好服務到幫我地用碟裝!! 抵左
高雄 Happy Ending 之旅完結 明天一早返台北
留言
張貼留言