好開心終於有時間打個台灣婚照之旅BLOG
一睇我地就知係喜歡吃、喝、玩、樂既人黎既
今次所編既行程, 完完全全係OUT哂! 無跟咁濟
哈哈 返黎一睇, 錯哂喎!!!
等我介紹下我去咁多次台灣都未踏足過既地方 - 高雄
31/3(Thu) Day1 - 早機到高雄 → 12:30酒店check in → lunch@劉江便當 → 高雄翡麗傾rundown → 瑞豐夜市
31/3/2011
抱住一個勁攰既身體 + 心情就踏上高雄呢片靜土
點解叫靜土係因為由落機一刻到酒店條街都係無咩人行
好奇怪!!!!
約一個小時既機程已經到達高雄小港機場,
機場有捷運直達酒店, 非常方便
原來高雄捷運係用唔到台北悠遊卡,
B仔即刻話好大鄉里呀!!! 哈哈
中央公園站落車, 行左10分鍾左右就到喇~
跟住酒店講既咁行, 係無錯既!!
鬧市中的酒店 - 米朵花園旅店
大致上都尚算OK 房間乾淨~
不過好似唔多追得上呢個時代 (入住就知點解)
唯一特別係架升降機 , 入面有張椅子坐
勁窩居 一入房已經係床, 而且我BOOK左間無window既
簡直不見天日, 訓醒都唔知朝早定夜晚,
最搞笑係化妝檯, 坐係度係化唔到妝,
因為只係見到自己個額頭, 我即刻忍唔住大笑
係我生得矮定還是塊鏡set得太高呀
整頓好之後就行去高雄翡麗, 行去大約 15分鍾左右,
唔可以話近又唔係好遠~~ 只係一條大直路~~
遠處到見法國台北就岩架喇!!!
行到高雄翡麗旁邊有間劉江便當好有風味又好味既便當
係翡麗員工介紹我地食架~
的確好好味
食飽飽準備去楝衫喇 ! 張相整到半張檯咁既 ?
之後試衫個D之前個篇BLOG已經介紹左~~ trial fitting @ 高雄翡麗Ferri
試完衫差不多7點喇~
Amy介紹我地去佢地去開既夜市 - 瑞豐夜市呢度比六合夜市仲要平,
唔到咁多人 朝早無人行, 夜晚d人先出返哂黎
坐捷運到巨蛋站 - 2號出口,
直行即到 留意只係開星期二 四 五 六日 (即係星期一 三休息)
勁多好野食 ! 衫亦都有, 好多花園街貨, 有d都幾靚
食飽早早返酒店訓教
留言
張貼留言