27 Dec 2010
一早起床感到極到寒冷 可惜無得浸溫泉lu....
因為星期一溫泉館會清潔
所以無得浸 我安排今日既行程係非常悠閒
10:00am 到餐廳食個早餐
快快手執拾行裝再出發
尋日太夜先到酒店
今日一睇先發現呢度既天氣好好
而且景色非常之優美
的確可以住多晚
酒店環境別緻 , 服務都好好~
可惜溫泉池不多
不過可以享受另外一種寧靜舒適既體驗
璞石麗緻溫泉會館
我最鍾意影呢D相
好 ! 離開溫泉旅館向永康街出發
原本打算等巴士
係等巴士途中有個的士叔叔SELL我地上車
NT$600到永康街
而且時間緊迫又要買手信
所以快快成交上車
沿途的士叔叔好好人
不停嘴咁講台北有咩好玩
又不停教我地去邊買手信
熱情到不得了
原本打算去犁記買鳳梨酥
點知佢話唔好食 , 一定要帶我地去全台北最好買既鳳梨酥
就係佳德鳳梨酥的確非常出名,
一入去眼見好多人 而且唔止遊客,
仲有好多本地台灣人都係度買
不過價錢有點貴, 一個鳳梨酥要HK$7 , 犁記先HK$5
買到返香港佢地都話好好食, 太好喇~
買完手信司機立即再車我地去到永康街-
鼎泰豐我的最愛 的的確確好鍾意
每次黎都必食, 返到香港都專登去尖沙咀食 哈哈
今日要等成1個鍾, 食飯時間係耐左D
兩個人食唔到太多, 小籠包 原味始終最好
食飽飽就返舞衣新宿拎埋其他行李出發到機場
原本搭的士到台北車站再轉國光客運到機場
點知司機話NT$800 可以直到桃園機場 都唔算貴,
就係咁好快就去到機場
天氣好先有咁靚既黃昏 好黃~~好靚
早左好多到機場,
去STARBUCKS食著粟米等上機 哈哈
支粟米係烏來老街買架!
等到呢加個肚先有空位食埋佢
返到香港兩個可愛既細佬黎幫我拎行李太感動了
一個悠閒既台北之旅已經完成遲下睇返令我再三回味
留言
張貼留言