26 Dec 2010
一早約好台灣既朋友仔出黎食個Lunch
豚屋係兩年前黎既時候食過一次,
好想再食 但點知對上一次黎食唔到
我相信呢間餐廳對香港人黎講一d都唔陌生喇！
但我個台北朋友竟然未食過～哈哈
豚屋－出名既芝士豬扒, 熱+快食
哈哈 拉得出既芝士最令人愛上
今次重點係唔購物, 唔行藥妝店
原因係我6月個陣買得太多 屋企仲有堆未用黎哂~
哈哈哈 所以我地真係無聊到去坐低飲野傾計
呢間係台北朋友仔帶我地黎既 LATTEA -
最有名既奶蓋綠茶, 飲落少少甜, 上面白色泡泡帶點咸, 都幾好飲
傾到咁上下就要SAY GOODBYE喇！
因為我地要趕去烏來另一間酒店 就係接著要介紹既溫泉酒店
捷運去到新店站 出面有架巴士可以去到酒店 可惜太多人,
而且有的士叔叔sell我地上車
去到酒店門口每人NT$100(港幣$30左右) 都算抵!
立即上車出發
話咁快就黎到今次既目的地
璞石麗緻溫泉會館一去到真係有種好清新既空氣
非常寧靜舒適既地方 我楝左悅景客房, 原因平d,
哈哈 可惜真係差d, 因為賞溪客房可以望住風景咁浸
不過酒店房都算大, 而且所有飲品 + 食物都係free to eat既
房間私人溫泉, 非常乾淨
其實入到烏來已經好夜, 又唔想等食飯咁悶,
所以去前抬問下點去烏來老街佢叫我地行落去,
約15mins 點知邊行我個心就勁驚 因為真係沿山邊行,
兩邊都有車路, 但係勁勁勁勁黑
我驚到行左一半已經勁想返轉頭 但B仔唔肯,
佢話唔使驚, 只係急急腳就行, 一見到光,
姐係見到老街 個刻個心先定左落黎,
如果行極到行唔到我死梗都似 唉！
見到光無耐就已經到烏來老街
已經將驚既感覺忘記得一乾二淨 因為呢度好多人, 同埋好多小食
已經急不及待邊行邊買邊食喇 見到台灣嫁女餅
唔記得幾錢, 但都唔平 因為好好食,
所以買左三盒 哈哈
黎到溫泉區一定有既溫泉蛋 + 溫泉粟米
哈哈 非常好味~ (買左返酒店當宵夜)
行完就坐車返酒店！ 無錯！！！係有巴士返到酒店既
只係我地唔知 返到酒店有包晚+早餐
唸住包既好極有限, 但真係估唔到出奇地咁好食
而且每碟都好精緻, 如果要俾錢都值得,
但包埋就perfect啦！
哈哈哈 其實係淡水我都見到呢糖芯
姐係糖蔥餅個d糖呀~
原來係麥芽糖整成既
因為係烏來老街有個伯伯專整呢d糖芯
仲要現成有得賣,
我咁鍾意食 哈哈
已經買左返香港包黎食啦
脆到不得了！ 我最愛既手信
留言
張貼留言