[旅遊] 台北趴趴走自由行 DAY2 九份、十分、基隆

2010/6/27

行程 09:30酒店早餐 →11:00 包的士到九份 → 十分 →基隆廟口夜市 →20:00(已訂) 鍋大爺蒙鍋麻辣鍋 →酒店發覺今日既行程真係好滿既去齊呢幾個地方影左400張相張張都想拎出黎講~~~ 哈哈哈 27/6 我唸要分幾次講~~~ 酒店包早餐 (3日入面只係食左1次) 真係太太太太攰~ 無辦法咁早起床哈哈只係食菜同沙律好喇~~ 大把好野食~~~自由行

房間面對住馬路~~~ 車來車往~~~ 原本可以四個人住一間房點知間房無得望景仲要勁細所以真係唔好意思.... 又要再轉返自己間房~~~

多謝朋友們既提醒四個人坐的士最方便唔使趕頭趕命等火車 (我自己之前做既reseach...無用lu...) 最開心我地遇著個好好好熱心既司機~~~真係好多謝佢~~~ 講好價就上車lu~~~出發~~

沿途天氣都好好九份真係雨都無滴~~ 朋友都話好難得~~~ 司機大哥仲幫我買埋電話卡教我點用係邊到等~~~ 真係好好人呀~~~~~

二話不說.... 衝入老街~~~ 行行行我地可以Hea到幾點都得~~~ 時間好鬆動呀~~~ 第一站食左黃金磚外脆內軟 , 仲好滑tim~~

天氣真係好得濟~~~ 曬死我~~~ 真係爭在未溶咋~~~ 九份九份~~~ 我對你既陽光..... 又愛又恨呢~~~ 風景非常優美~~~~ 真係好放鬆~~~

熱到團友們都受不了~~~ 去左觀海樓望下海飲下西茶~~~ 好享受~~~~ 消費不算貴~~ 大約hkd20左右~~~ 仲可以望住個海~~

嘆返杯凍冰冰既茶~~~ 好爽呀!!!! 其實呢度都有飯食既不過我地想掃九份小食多d~~~~哈哈

可愛既老闆娘賣香腸~~~ 拍照不加錢 NT$35串 ~~ 仲會擺POST~~~ 真係好好香好好味~~~

沿途行下最想買post card 買特色既手信~~~ 最後係無特別既~~~

九份肉丸湯~~~ 真係好好味呀~~ 呢餐先食左NT$140 呵呵旁邊既遊客小姐介紹我地食既

食飽飽就起行去JOIN司機喇~~~ 順便去李儀餅店買太陽餅奶油味好香~~ 不過司機話 ... 太陽餅係台中先係名產 (他就我們笨了....) 唔緊要... 都好好味呵呵下一站‧十分

終於黎喇~~~ 期待既係.....天燈坐吳司機既車真係好穩話說... 台北這星期太約3點後....都會落雨架!!!! 雖然上山途中都未落~~~ 而且行車路線好似玩緊賽車遊戲咁~~

約3:00pm 司機帶我地去買天燈先NT$100個我地就玩兩個算喇~~~ 咁大張紙~~~ 仲要四面咁多~~~ 寫到手軟原來唔同colour就代表住唔同既祝願我地要左白色-健康 + 粉紅-愛情

買完天暗暗咁~~~ 心知落硬雨啦!!!!!!!!!!!!

雖然落雨都無損我地既雅興因為可以慢慢寫啦~~~~吳司機仲買雪條請我地食~~真係太客氣喇~~

落完雨喇~~~~~~~~~ 真係乖喇~~~ 我地畫畫埋埋都唔使十五分鍾~~~ 個天對我地咁好既~~~~感謝

行一段小小路~~~~ 無人係呢度放架~~~ (人人都走哂去火車軌個樹放) 我地邊有咁醒丫~~~ 咪又係吳司機帶路~~哈哈

吳司機仲落手落腳幫我地幾個傻既放天燈好似好買吳司機廣告~~ 但佢真係好人嘛!!!!! (心存感激ing)

結婚係for myself 咋~~~~哈哈哈哈呢刻我仲影緊相未feel到放個下有咩感覺~~~~~~

只係知道佢地好似好 high咁~~~ 好想試下~~~ 如果d火紙跌左落個頭~~~呢刻弟弟仲會唔會咁開心???

鄉姑終於可以親身體驗下~~~~放天燈有咩FEEL~~~

點解我個隻咁快就飛走既~~ 原來係一著火就有股熱熱既氣~~~ 整大左我隻天燈~~~~ (驚訝ING) 因為真係得左~~~~YEAHYEAHYEAH~~~~

BYEBYE~~~~ MY FIRST TIME~~~ 天燈回香港見吧

陪完我地癲既司機先生~~ 教我地行去影火車同瀑布見仲未落雨~~~ 咁梗係慢慢玩啦~~~

我地兩姐妹邊度似樣？？應該得把口似！哈哈

影下相時間好快過~~~ 雨先生又黎搵我地~~~ 瀑布都無行去喇~~~ 無膽既我地~~ 快D上車把啦!!!!

又黎落住大雨咁離開吳司機驚我地驚... 叫我地訓下覺休息陣到先叫我地~~~ 落住勁勁勁勁大雨 + 大霧 + 能見度低吳司機話再過多兩個鐘就行唔到架喇睇唔到路咁話~~~~ 你都咪話唔驚訓醒就已經到基隆廟口夜市喇~~~~ 呢邊既夜市買食既比較多而且海產為主可惜我地呢班不能吃海產既人睇到食唔到~~~~~

黎到第一餐既柯仔煎 d粉仲厚過我塊臉~~~ 點食呀!!!! 差~~~~~~~~~~~~~~

好想食~~~~~~~~~~~~~~~~~~~~~~~~~ 一定好香姐

朋友仔介紹食既芝士豬扒真係好好味啵~~~~~ 香脆入面芝士熱熱的~~好味~~

行基隆行行下入左康是美買到想買既~~開心開心仲有間大型既文具店見到好多靚靚既相架~~~ 忍唔住手~~~買左3個~~哈哈真係太攰喇~~~ 已經無力行~~~ 搵返司機上車返酒店~~~~ 完全咩都唔理~~~ 訓哂~~~ 雖然一日唔係好長~~ 司機既熱情~~ 令我地都好不捨~~ 哈哈哈(除左收錢個刻) 返到酒店擺低哂d野之後~~~ 就行過對面....既西門町食蒙古火鍋 - 鍋大爺 NT399 吃到飽