小溫太 • 分享快樂生活本子

煉奶山形吐司 一有時間就會為家人製作新鮮既吐司麵包，最緊要做法非常簡單而做，食材家中都係必備材料。煉乳吐司係直接法就做到，天氣太熱時留意打麵團既溫度，我自己打完個麵團都要29度，實在太高，怕影響發酵同口感，打完我立即放雪櫃雪一陣先再拎出黎室溫發酵，天氣熱係發酵得比較快，所以都要留意住麵團既狀況去決定時間。 材料： 高筋麵粉（哥磨）250g 三溫糖 10g 鹽 3g 新鮮酵母 9g 牛奶 100g 水 70g 煉奶 30g 牛油 25g 做法： 1）先將乾料高筋麵粉、三溫糖、鹽送入攪拌缸，再將濕料預先混合（新鮮酵母、牛奶、水、煉奶）再倒入攪拌缸。 2）先用慢速混合麵團，再轉中高速打至麵團光滑，大約8分鐘後加牛油，再以高速攪拌至延展拉出薄膜就可以 3）第一次發酵：45分鐘，分割為3團，每團大約160g@，滾圓鬆弛15分鐘。 4）排出空氣再桿麵一次，休息10分鐘，再桿長捲起入盒。 5）第二次發酵50-60分鐘，大約8成滿可以入爐。預熱焗爐用風180度焗30-32分鐘。*小心容易上色，留意焗燶，可用錫紙cover個面* 6）焗好要馬上脫模，以防濕氣走入吐司倒至凹咗。